Astudio gyda’r Brifysgol Agored

Mynediad

Modiwl Mynediad y Celfyddydau ac Ieithoedd

Gyda'r modiwl Mynediad hwn, byddwch yn archwilio meysydd eang, ond cysylltiedig, y celfyddydau, dyniaethau ac ieithoedd. Caiff pob pwnc ei gyflwyno a'i esbonio ar gyflymder cyfforddus er mwyn datblygu, neu loywi, eich gwybodaeth am bynciau gan gynnwys hanes, hanes celf, llenyddiaeth Saesneg ac astudiaethau iaith Saesneg.

Gallech fod yn gymwys i astudio modiwl Mynediad am ddim. Dysgwch fwy ar wefan Y Brifysgol Agored.

Mynediad

Modiwl Mynediad Seicoleg, y Gwyddorau Cymdeithasol a Llesiant

Mae'r modiwl Mynediad hwn yn rhoi'r cyfle i chi gael blas ar rai o'n pynciau mwyaf poblogaidd, fel seicoleg, plentyndod ac ieuenctid, y blynyddoedd cynnar, iechyd a llesiant cymdeithasol, chwaraeon, addysg a'r gwyddorau cymdeithasol. Cewch eich cyflwyno i drafodaethau theori a byddwch yn ymgysylltu â digwyddiadau bywyd go iawn er mwyn meithrin eich gwybodaeth am y pynciau eang hyn a'ch dealltwriaeth ohonynt.

Gallech fod yn gymwys i astudio modiwl Mynediad am ddim. Dysgwch fwy ar wefan Y Brifysgol Agored.

Mynediad

Modiwl Mynediad Gwyddoniaeth, Technoleg a Mathemateg

Gyda chymysgedd o astudiaeth ddamcaniaethol a rhai arbrofion ymarferol, gall y modiwl Mynediad hwn eich helpu i ddatblygu eich sgiliau er mwyn astudio pynciau STEM yn y dyfodol, ni waeth beth fo'ch man cychwyn. Caiff pob pwnc ei gyflwyno a'i esbonio ar gyflymder cyfforddus er mwyn datblygu, neu loywi, eich gwybodaeth am bynciau gan gynnwys gwyddoniaeth, peirianneg a dylunio, yr amgylchedd, mathemateg, a chyfrifiadura a TG.

Gallech fod yn gymwys i astudio modiwl Mynediad am ddim. Dysgwch fwy ar wefan Y Brifysgol Agored.

Gradd

Gradd Agored

Mae'r radd Agored yn eich galluogi i ddwyn meysydd astudio gwahanol ynghyd mewn ffordd gwbl hyblyg er mwyn datblygu gwybodaeth a sgiliau. Mae rhyddid gennych i gyfuno modiwlau o ystod eang o feysydd pwnc a chreu gradd, diploma neu dystysgrif unigryw sy'n addas i'ch uchelgeisiau proffesiynol neu eich diddordebau personol.

Gradd

Gradd mewn Iechyd a Gofal Cymdeithasol

Mae'r radd hon yn rhoi dealltwriaeth gadarn a beirniadol i chi o bolisi, theori ac ymarfer iechyd a gofal cymdeithasol, sy'n hanfodol yn sector gofal heddiw sy'n newid yn gyflym. Mae angen i weithwyr proffesiynol ar bob lefel fod yn rhagweithiol ac yn hyblyg er mwyn llwyddo a, thrwy eich astudiaethau, byddwch yn datblygu'r sgiliau sydd eu hangen ar gyfer ymarfer effeithiol mewn amgylchedd amrywiol ac amlddisgyblaethol.

Modiwl

Gwneud i'ch dysgu gyfrif

Drwy gyfres o bynciau a thasgau asesu, byddwch yn archwilio'r hyn rydych wedi'i ddysgu wrth ddatblygu'r sgiliau sydd eu hangen arnoch i fod yn fyfyriwr llwyddiannus. Chi fydd yn dewis pa gyrsiau rydych am eu hastudio, sy'n gwneud y profiad dysgu hwn yn un cwbl bersonol.

Modiwl

Datblygiad gyrfa a chyflogadwyedd

Beth bynnag fo'r yrfa rydych wedi'i dewis, bydd y modiwl lefel 1 cyflwyniadol allweddol hwn gan Y Brifysgol Agored yn eich galluogi i ddefnyddio eich gweithle fel cyd-destun ar gyfer dysgu, ac yn datblygu eich gallu i gymhwyso eich dysgu er mwyn gwella eich ymarfer yn y gwaith. Byddwch hefyd yn datblygu eich sgiliau meddwl beirniadol ac yn gwella eich dealltwriaeth o sut i ymchwilio i faterion yn y gweithle.

Modiwl

Cyflwyniad i fusnes a rheoli

Mae'r modiwl lefel 1 cyflwyniadol allweddol hwn gan Y Brifysgol Agored yn cynnig cyflwyniad hygyrch a chynhwysfawr i fusnes a rheoli mewn byd wedi'i globaleiddio. Drwy waith darllen ac astudiaethau achos rhyngwladol, byddwch yn archwilio ystod eang o bynciau ym maes busnes a rheoli cyfoes.

Tystysgrif Addysg Uwch (CertHE)

Rheoli Busnes

Mae'r cymhwyster hyblyg hwn yn dechrau gyda chi: ble rydych chi nawr, a ble yr hoffech fod yn y dyfodol. Gan ddefnyddio dull gweithredu ymarferol sy'n seiliedig ar eich profiad eich hun, cewch eich cyflwyno i hanfodion busnes a rheoli, y cyd-destun y mae busnesau a sefydliadau eraill yn gweithredu ynddo, a'i nodau a'i nodweddion cyffredin.

Modiwl

Chwarae a chreadigrwydd plant ifanc

Mae'r modiwl hwn yn canolbwyntio ar ddeall chwarae a chreadigrwydd yn ystod plentyndod cynnar o safbwyntiau proffesiynol a phersonol gwahanol ac amrywiol. Mae'n ystyried sut mae plant ac oedolion eraill yn cael effaith ar y penderfyniadau chwarae a'r dewisiadau creadigol y mae plant yn eu gwneud.

Modiwl

Yr amgylchedd: teithiau drwy fyd sy'n newid

Mae'r modiwl hwn yn eich cyflwyno i bynciau o'r gwyddorau naturiol, y gwyddorau cymdeithasol a thechnoleg er mwyn datblygu eich dealltwriaeth o faterion amgylcheddol a phryderon o ran cynaliadwyedd. Mae ein byd yn newid yn gyflym – mae pethau fel newid hinsawdd, galw cynyddol am adnoddau cyfyngedig, effeithiau llygredd a gwastraff, colli bioamrywiaeth a phlanhigion ac anifeiliaid yn prinhau, yn pwyso'n drwm arnom.

Gradd

BSc (Anrh) yng Ngwyddor yr Amgylchedd

Mae'r radd hon yn archwilio'r disgyblaethau lluosog sydd eu hangen i ddeall, rheoli a gwarchod ein planed. Byddwch yn asesu problemau amgylcheddol, yn cynnig atebion ac yn meithrin dealltwriaeth gynhwysfawr o'r amgylchedd naturiol. Byddwch yn astudio pynciau, gan gynnwys cadwraeth, ecoleg, ecosystemau, rheoli amgylcheddol ac ynni adnewyddadwy.

Cwrs byr

Arweinyddiaeth yn y byd digidol

Yn y cwrs hwn, byddwn yn archwilio agweddau dethol ar arweinyddiaeth, gan gynnwys a yw arweinyddiaeth wedi newid yn sylfaenol yn yr oes ddigidol ai peidio. Byddwn yn awgrymu rhai ffyrdd penodol o arwain timau sy'n eich helpu i ganolbwyntio 'ar wneud y pethau iawn'. Byddwch yn cael eich annog i edrych yn wrthrychol ar eich effeithiolrwydd arweinyddiaeth eich hun, ac i adeiladu ar y cyfan a ddysgwch i ddiffinio cynllun datblygu.

Ni cheir credydau am gwblhau'r cwrs hwn.

Cwrs byr

Rheoli ansicrwydd trwy weithredu polisi

Yn y cwrs hwn byddwch yn darllen astudiaethau achos ac yn gwylio fideos sy'n dangos sut y bydd heriau a pholisïau cymdeithasol yn siapio ein cymdeithasau yn y dyfodol. Byddwch hefyd yn cael y cyfle i ystyried sut mae polisïau a'r macro-amgylchedd ehangach yn effeithio ar eich sefydliad, a byddwch yn dysgu sut i ddefnyddio meddalwedd dysgu peirianyddol i gasglu data a thystiolaeth.

Microgymhwyster

Newid yn yr Hinsawdd: Trawsnewid eich Sefydliad ar gyfer Cynaliadwyedd

Bydd y microgymhwyster hwn yn rhoi'r wybodaeth, y sgiliau a'r dewrder i chi sydd eu hangen arnoch i drawsnewid ymateb eich sefydliad i'r argyfwng hinsawdd ac ecolegol, beth bynnag fo'ch lefel, eich rôl neu sector, a ble bynnag yr ydych yn y byd.

Microgymhwyster

Rheoli Busnes: Rheoli Prosiectau

Bydd y microgymhwyster hwn yn eich cyflwyno i'r egwyddorion, yr adnoddau a'r technegau craidd sydd eu hangen i arwain prosiectau, neu gyfrannu'n llwyddiannus atynt, sy'n ychwanegu gwerth ac yn cyflawni canlyniadau cadarnhaol.

Cwrs byr

Darganfod Cymru a'r Gymraeg

Cwrs ar-lein 100 awr o hyd yw Darganfod Cymru a'r Gymraeg i unrhyw un sydd â diddordeb mewn dysgu am Gymru a meithrin sgiliau iaith sylfaenol yn y Gymraeg. Mae'r cwrs wedi'i rannu'n bum thema, gyda phob un yn cynnwys dwy uned sy'n rhoi tua'r un faint o amser i agweddau allweddol ar ddiwylliant Cymru a dysgu Cymraeg.

Ni cheir credydau am gwblhau'r cwrs hwn. Gellir ei ddefnyddio tuag at y modiwl Gwneud i'ch dysgu gyfrif (YXM130) er mwyn ennill credydau'r Brifysgol Agored.

Cwrs byr

Sgiliau cyfathrebu yn y byd digidol

Bydd y cwrs hwn yn mynd â chi drwy amrywiaeth o newidiadau ym maes cyfathrebu yn ein byd digidol sy'n datblygu'n barhaus. Mae'r cwrs yn rhoi manylion am amrywiaeth o adnoddau cyfathrebu a chyngor ymarferol gan weithwyr proffesiynol ac academyddion i helpu unigolion mewn cymdeithas ac yn y gwaith i ddeall sut i helpu i lywio prosesau cyfathrebu yn strategol.

Ni cheir credydau am gwblhau'r cwrs hwn.

Modiwl

Cyflwyniad i ofal cymdeithasol

Cewch gyflwyniad cadarn i ofal cymdeithasol a'r rôl y mae'n ei chwarae yn cefnogi annibyniaeth a llesiant y rheini sy'n cael gofal. Dysgwch am y sgiliau hanfodol sydd eu hangen i weithio yn y sector ac ystyried a yw gyrfa ym maes gofal cymdeithasol yn addas i chi.

Ni cheir credydau am gwblhau'r cwrs hwn. Tystysgrif cwblhau (70% i lwyddo).

Microgymhwyster

Rheoli Busnes: Rheoli ac Arwain Pobl

Wedi'i gynllunio gan academyddion o safon fyd-eang o'r Brifysgol Agored, gyda chyfraniad gan arbenigwyr y diwydiant â safbwyntiau amrywiol, bydd y microgymhwyster hwn yn eich cyflwyno i fframweithiau a syniadau a fydd yn eich helpu i reoli ac arwain pobl mewn ffordd foesegol a chynhwysol.

Cwrs byr

Cyflwyniad i farchnata digidol

P'un a ydych yn newydd i farchnata digidol neu am adeiladu ar eich profiad presennol, bydd y cwrs hwn yn eich cyflwyno i'r egwyddorion craidd a'r tueddiadau diweddaraf a fydd yn eich helpu i gynllunio ymgyrchoedd o'r radd flaenaf sy'n canolbwyntio ar y defnyddiwr ac yn eich tywys drwy faes dynamig marchnata digidol.

Ni cheir credydau am gwblhau'r cwrs hwn. Tystysgrif cwblhau (70% i lwyddo).

Microgymhwyster

Cisco: Rhaglennu Python (OpenEDG)

Bydd y microgymhwyster hwn yn helpu i ddechrau eich gyrfa ym maes rhaglenni, p'un ai megis cychwyn ydych chi neu os ydych eisoes yn gweithio ym maes technoleg ddigidol. Byddwch yn datblygu sgiliau a gydnabyddir gan y diwydiant ac yn gwella eich cyfleoedd cyflogaeth a datblygiad gyrfa.

Cwrs byr

Sylfeini cyfraith mewnfudo’r DU (OISC Lefel 1)

Mae’r cwrs yn archwilio’r sgiliau a’r wybodaeth a ddisgwylir gan Gynghorydd Mewnfudo Lefel 1 Swyddfa’r Comisiynydd Gwasanaethau Mewnfudo (OISC). Mae'n addas ar gyfer y rhai sy'n ceisio gweithio fel Cynghorydd Lefel 1 OISC a'r rhai sy'n ceisio ehangu eu gwybodaeth am system fewnfudo'r DU.

Ni cheir credydau am gwblhau'r cwrs hwn.

Cwrs byr

Cwnsela ar-lein: dechrau arni

P’un a ydych chi’n gwnselydd, yn seicotherapydd neu’n hyfforddai, bydd y cwrs byr 25 awr hwn yn dangos i chi sut i sefydlu a darparu cwnsela ar-lein diogel ac effeithiol. Bydd yn eich dysgu sut i sefydlu cwnsela o bell trwy fideo a/neu ffôn a sut i lywio heriau technoleg, diogelu data, a chontractio, yn ogystal ag archwilio arferion moesegol, asesu addasrwydd cleientiaid ar gyfer therapi ar-lein, rheoli ffiniau, gweithio'n ddiogel a meithrin. cynhwysiant ac amrywiaeth.

Ni cheir credydau am gwblhau'r cwrs hwn.

Cwrs OpenLearn am ddim

Bod yn un o fyfyrwyr Y Brifysgol Agored

Nod y cwrs hwn yw eich helpu i gael y dechrau gorau posibl ar eich taith gyda'r Brifysgol Agored. Mae myfyrwyr sy'n treulio rhywfaint o amser yn paratoi ar gyfer eu hastudiaethau yn fwy tebygol o lwyddo, felly bydd treulio amser yn gwneud y cwrs hwn nawr yn helpu yn y pen draw.

Cwrs OpenLearn am ddim

Mathemateg bob dydd 1

Ydych chi erioed wedi sylwi pa mor aml mae angen sgiliau mathemateg arnoch yn eich bywyd bob dydd? Mae’r cwrs hwn, sydd am ddim, yn gyflwyniad i Sgiliau Hanfodol Lefel 1 mewn mathemateg. Mae wedi ei ddylunio i’ch ysbrydoli chi i wella’ch sgiliau mathemateg ac i’ch helpu i gofio unrhyw feysydd a aeth yn angof.

Cwrs OpenLearn am ddim

Everyday English 1

Would you like to improve your current English skills or perhaps remember areas you may have forgotten? This free course serves as good preparation for studying the formal English Essential Skills Level 1, which is available in Wales.

Cwrs OpenLearn am ddim

Croeso: Beginners' Welsh

This free course, Croeso: Beginners' Welsh, is taken from Croeso, a beginners' language module that concentrates on Welsh as a tool for communication, but it also provides some insights into Welsh societies and cultures through printed and audio materials.

Cwrs OpenLearn am ddim

Gweithio hybrid: llesiant a chynhwysiant

Sut mae eich gweithlu yn teimlo? Pa effaith gafodd y 'newid i weithio ar-lein' ar ôl COVID-19, a'r ymarfer a phrosesau sydd wedi dilyn, ar lesiant staff? Bydd y cwrs hwn yn archwilio'r hyn a olygir gan lesiant yn y gweithle mewn byd gweithio hybrid.

Cwrs OpenLearn am ddim

Felly, rydych chi eisiau bod yn nyrs? Cyflwyniad byr i nyrsio

Mae’r cwrs yma am ddim yn rhoi trosolwg o’r hyn y mae nyrsio’n ei olygu. Mae’n canolbwyntio ar nyrsio yn y DU yn benodol, a hefyd ar ei le yn y byd. Byddwch yn dysgu am bedwar maes nyrsio yn y DU, sut beth yw hyfforddiant nyrsys, yn ogystal â beth sy’n gwneud nyrsys gwych.

Cwrs OpenLearn am ddim

Arweinyddiaeth a dilynyddiaeth

Mae arweinwyr o'n cwmpas ym mhob man – rydym yn dod ar eu traws yn y gwaith ac yn ein hamser rhydd, rydym yn darllen amdanynt yn y wasg – ond ydych chi erioed wedi meddwl beth sy'n gwneud rhywun yn arweinydd da neu ddrwg? Efallai eich bod chi'n ystyried rôl arwain fel y cam nesaf yn eich gyrfa, neu efallai eich bod mewn swydd arwain eisoes ac yn cael trafferth symud eich tîm ymlaen.d.

Cwrs OpenLearn am ddim

Amrywiaeth a chynhwysiant yn y gweithle

Mae'r cwrs am ddim hwn yn eich cyflwyno i fanteision a chymhlethdodau datblygu a chefnogi gweithlu amrywiol a chynhwysol. Mae'n ystyried effaith gadarnhaol amrywiaeth ar lesiant staff ac arloesedd mewn sefydliad, gan wella mantais gystadleuol cwmni a chydlynu â'i gyfrifoldebau cymdeithasol.

Cwrs OpenLearn am ddim

Llwyddo yn y gweithle

Ydych chi eisiau newid swydd? Ydych chi megis cychwyn yn y farchnad swyddi? Ydych chi'n dychwelyd i'r gwaith ar ôl seibiant? Os felly, mae'r cwrs am ddim hwn, Llwyddo yn y gweithle, yn berffaith i chi. Bydd yn eich helpu i fynd i'r afael â chyfleoedd gyrfa drwy ddechrau gyda chi, nid y swydd. Byddwch yn dod i adnabod chi eich hun a'r hyn rydych yn ei werthfawrogi o ran sylfeini eich cynllun gyrfa.

Cwrs OpenLearn am ddim

Sgiliau digidol: llwyddo mewn byd digidol

Bydd y cwrs am ddim hwn yn datblygu eich hyder a'ch sgiliau ar gyfer bywyd ar-lein, boed hynny ar gyfer astudio, gweithio neu fywyd pob dydd. Mae'n archwilio amrywiaeth o sgiliau ac arferion digidol gan gynnwys hunaniaeth ddigidol, llesiant digidol, aros yn ddiogel ac yn gyfreithlon, dod o hyd i wybodaeth ac adnoddau ar-lein a'u defnyddio, a delio â gormod o wybodaeth.

Cwrs OpenLearn am ddim

Cyflwyniad i seiberddiogelwch: aros yn ddiogel ar-lein

Bydd y cwrs ar-lein hwn yn eich helpu i ddeall diogelwch ar-lein a dechrau diogelu eich bywyd digidol, boed hynny gartref neu yn y gwaith. Byddwch yn dysgu sut i adnabod y bygythiadau a allai eich niweidio ar-lein a'r camau y gallwch eu cymryd i leihau'r siawns y byddant yn digwydd i chi.